唔知而家嘅大學制度有冇變，我讀大學嘅時侯，傳聞畢業個hon 係拉curve嘅，聞說成績最差嘅2%同學會拎3rd hon。如果你讀書好叻，或者你個學系人數好多，你可能會冇咁擔心。但由於當年我嘅成績差，我個學系只有幾十個同學，如果個hon 拉curve，按比例每年就會有一個同學拎3rd hon。考到大學就得架啦，理得佢拎咩hon，雖然講係咁講，但總有好多人恐嚇你，話如果拎3rd hon 之後想讀master 會有困難，又話搵工人地見到你3rd hon 會唔想請你。(出左來做野，我發現無論搵工定讀master，人事口才同樣貌更為重要)
當年我入世未深，唔敢怠慢，好擔心拎3rd hon，因為無人會想成為唯一一個不幸嘅人。如果多啲人3rd hon，我個心可能冇咁慌。但當你知道you are the only one，你就不寒而慄。所以you are not alone 呢句說話真係好有安慰嘅作用。
前幾日我呀媽問，點解咁多人俾人拉，啲靚仔仲敢再出去?
除左個政府真係好離譜之外，仲有個致命原因。其實同3rd hon 道理係一樣，只要知道好多人都3rd hon，你就唔會再介意3rd hon。當愈來愈多人俾人拉，大家就愈來愈唔擔心俾人拉。情形就等於，如果有９９％嘅人都有愛滋，驚嘅就唔係有愛滋嘅人，驚嘅就係冇愛滋嘅人。
政府最錯嘅判斷，就係以為可以用拘捕阻嚇到啲靚仔，起勢咁不停拉人，愈拉愈過癮，愈拉愈興奮。以而家嘅走勢，俾人拉嘅學生遲早都成為majority ，佢地仲何需worry 呢?
以前你搵一個大學生有案底，係一件好難嘅事，大學生俾人留案底喺以前係好大件事。但今時今日，被捕嘅門檻低到咁，popo 冇準則拉人，幾日可以拉幾百個大學生。過多幾年，我想像好多職業都唔會再要求冇案底嘅員工，因為咁樣拉人法，人人都有案底。如果要冇案底先請，我諗過多幾年香港地唔夠人做野。
政府而家係冇overdose呢個概念.....
有樣野叫marginal utility，大概popo 知識水平唔夠，唔理解。拘捕如事，放Tear Gas如事，凡事最驚就係過量。過量低門檻唔合理濫拘捕，大家仲會懼怕?一日掟過千tear gas，大家都由慌失失變到企定定。
鶴頂紅即使係百毒之最，如果日日食，我都變得唔驚佢。 cancer 標靶藥都食到馴咗啦， 何況日日tear gas。
我見到政府成日叫人停止暴力，怪責啲示威者點解仲唔停，話只要示威者停，popo就會停。overdose 呢啲學術概念popo唔識，大蝦細比屎餵呢啲咁顯淺嘅道理應該知呀，梗係大人先讓步，帶頭停啦。
Search